rod kar 賈思信

正式從甚麼渠道認識sou sou已經唔記得。應該係介紹京都嘅旅遊書。好幾本都有介紹過。吸引我第一次去sou sou嘅係佢地嘅足袋，即係將腳趾公同其他腳趾分開嘅鞋。因為自己隻腳有hallux valgus，所以長期要著矯正鞋墊。已經著咗十幾年。千幾銀一對，有兩對替換，仲要定期換對新嘅。好老實講，我從來無覺對腳好過。相反係越來越差。2006到2010跑過3次渣打10k。每次跑完隻腳趾公骨頭都會發炎痛幾個星期。早兩年見到sou sou嘅介紹之後，覺得可能會幫到自己。因為其實自己夜晚瞓覺，好多時都會用啲係日本買嘅儀器分開腳趾。日本似乎有好多人都有我嘅問題。所以每次去到loft或者tokyu hands都會滿載而歸。分開腳趾瞓，朝早起身對腳真係服好多。於是就係咁我就識咗sou sou其中一個售貨員 – 荒木 正子小姐，araki san。我每次去京都都會搵佢，除咗去年9月。因為住係大阪同埋只係去3，4日，所以去唔到搵佢入貨。其實都有啲唔好意思，因為起程前email佢話會探佢。所以前日去探佢啱啱好佢離上次見面隔咗一個農曆年。自己亦都因為係2011年尾由一趾鞋跳班升到五趾鞋，所以亦都無需要買鞋嘅用品。正當盤算買啲乜嘢嘅時候（其實sou sou有好多好多唔同種類嘅出色出品，仲要係全部made in japan)，突然見到有iphone case！原來仲要咁啱係嗰日先推出。二話不說，即刻買咗。係香港點用兩百蚊買個made in japan嘅case。俾錢嘅時候，araki san突然同我講話佢出咗部au嘅smartphone。我地其實由頭到尾都係用簡單英語溝通。正當我諗緊佢做乜話俾我聽嘅時候，佢繼續講原來佢搵唔到我個app!我一年前同佢講我整咗個iphone 京都app。我從來無諗過佢會上心。我真係好感動。我同佢講，因為佢，我會出個android版（當然係update咗個iphone版先啦！）。araki san, 好多謝您嘅支持！

唔知點解今日杯matcha latte同尋日杯有啲唔同。無咗啲topping。反正我尋日都無要求。其實想食muffin，但係賣哂。於是叫mixed sandwich。份量小得淒涼。係十進制好易計嘅滙率下，一份簡單不過嘅預做三文治要差不多40蚊港銀。

見天色唔錯，於是建議到南禅寺參觀。南禅寺非常易去。由京都車站坐地下鐵，係烏丸御池站轉車到蹴上站落車，再行5分鐘就到。全程唔使半個鐘。

南禅寺三門嘅規格比知恩院低一級。自己就比較欣賞南禅寺嘅三門。知恩院嘅三門要經過數十級濶大嘅樓梯先達到。加上三門嘅宏偉建築，散發一種懾人嘅氣勢。自己鍾意南禅寺三門較為平易近人嘅設計。而且，南禅寺三門嘅頂係可以俾遊客行上去。當然要俾錢。如果好天一定要上去，因為風景非常靚。睇下我啲相就知。

行完南禅寺已經14：30，於是係永観堂門口前一間小店食晏。2010我自己一個人又係過晒食晏時間由南禅寺行到永観堂，見到依間小店仲開，於是即刻入咗去。今次同上次一樣都係食蛋包飯。同樣非常好食。食食下飯，突然見到窗外有雪花。之前只見過積雪，從未見過京都落雪。另一個第一次。好彩我即刻走出去感受一下。因為只係落咗幾分鐘。

食完晏，再度做訪永観堂。上次去，紅葉季節差唔多完，所以仲見到小小。今次，無咁好彩，綠色嘅葉都唔多見到。可以話係另一種風味。眼瞓，今日係咁先。聽日要送機。

今日去高山寺有一段小插曲。話說係酒店附近starbucks用早餐時，

一邊臨急抱佛腳睇有關高山寺嘅資料，一邊用google maps搜尋搭公車去嘅方法。點知google maps話搵唔到公車去。

於是走去酒店concierge查詢。原來最快嘅方法就係坐京都車站前嘅jr bus。路程50分鐘。500円一程。坐到最後一個站就係高山寺嘅後門。高山寺嘅範圍其實好細。如果行，應該20分鐘內行晒。不過唔知點解，我12：30到，15：00先走得。我估係石水院我坐咗一個鐘。唔知點解，一去到啲禪院之類就好自然被佢地嘅環境同建築吸引住。寺院週圍嘅花花草草我都影咗差唔多一個鐘相。如果唔係無咗太陽同有啲雨，我可能會等遲一班車先走。所以我比較鍾意自己遊京都。尤其係去新地方。要人等又唔好意思。唔係人人咁得閑同我發癲。要我急急睇，我又唔開心。

其實高山寺無乜等別嘢睇。就算係石水院入面嘅國寶「鳥獸人物戲畫」繪卷都只係仿製品。所以完全無保安可言。高山寺係宇治茶嘅發原地，所以寺裏有一幅茶園。不過小得可憐。應該係用嚟做紀念，無實際生產。除咗石水院要收600円入場費外，其他係高山寺入面嘅地方都唔使錢。唔去慣無咁多遊客嘅寺院，可能唔會鍾意高山寺。咁橋，今晚食飯嘅地方用嘅碗有高山寺個名同寺嘅代表繪畫。

同高山寺都算有緣。

高山寺週圍

石水院

茶園

金堂

金堂道

距離聽日上晝國泰cx506航機去大阪起飛時間剩番唔夠12個鐘。候補嘅機位應該無機會。將會係第一次入夜（當地時間晚上9點）抵達大阪。如果一切順利，最早22：47抵達京都。一個唔好彩，可能要23：32先到。農曆新年其實係京都嘅旅遊淡季。酒店比平時要平一半有多。由於一年去幾次京都，要買貴機票，總覺得唔值。所以寧願早幾個月前就用飛行哩數換機票。不過，正所謂「你精我都唔笨」，當然有好多人爭有限嘅供飛行哩數兌換嘅機位啦。好彩，因為勁多香港人去大阪，所以航空公司加咗好多班次。不過，實在有太多人爭，所以好多時都換唔到自己認為最理想嘅航班。舊年我就係第一次搭零晨機去。朝早六點幾就去到京都。由於未有得check-in，所以放低行李係酒店，就一個人去咗相國寺行。今次就相反，搭最後一班機。另一個第一次。其實，幾點去到都無所謂。最緊要有得去。京都，我實在太愛您啦！希望自9月見過您後，您依舊係咁動人可愛！

尋日探病嘅時候講起，原來患咗ALS嘅姻親戚，舊年不幸已經過咗身。突然查問起佢（我見過佢一次起兩次止，不過總算係姻親戚）因為morrie都係因ALS去世。於是，須便介紹埋本書俾正在康復緊嘅親人睇。點知佢話唔好啩，咁depressing。我話俾佢聽其實本書係非常positive，教人從死亡認識生命。幾年前，經歷過母親及老友嘅離去，心身極之疲倦。買咗joan didion嘅 the year of magical living希望可以平伏到心寧。點知越睇joan講述佢點面對佢心臟病突然死去嘅老公同仲要照顧正在昏迷嘅獨生女嘅殘酷現實，我越覺憂鬱同驚。結果，我梗係無睇完。早兩年，見到係北角jusco有個收舊書義賣活動，第一時間將the year of magical living同其他書一齊捐咗佢。