上星期六係十日內第三次去「三星」食晏。可能因為頭兩次去都係閒日，所以唔需要等位。其實，第一次係要等。不過唔係等位坐，係等「三星」開門。由於有過兩次經驗，所以以為兩點三去到,應該一定有位啦！點知去到門口見到已經有幾個人「棟」咗係到等位。
亦都持住有經驗，所以不以為然。因為之前見廚房都幾有效率，所以諗佢轉枱都應該幾快。點知上當！一等就等咗差唔多九個字！個廚房完來完全踢哂腳！一路等都覺得好奇怪，點解明明好地地有兩張可以坐四個人嘅枱，佢地只係每張枱俾兩個人坐。
最初以為門口張四人枱未人齊
點知，翻枱後都係俾兩個人坐。最後嗰張都係四人枱
坐低後，唔覺意聽到原來因為廚房跟本做唔切，所以先唔放太多人入去。我仲聽到原來樓上都有位，不過無開。我諗原因都係因為做唔切。不過，其實廚房咁踢腳除咗係因為人多之外，仲有係因為落單過程混亂同廚房經常出錯。好似我叫嘅麻辣三星牛肉麵就無咗牛肚同牛筋。連落單個哥哥一睇都知道錯咗。廚房二話不說即刻加番俾我。除咗我之外，坐我隔離嘅人客亦都遇上同一錯漏。不過，又真係唔可以怪個廚，因為我見得佢一個人煮麵。另外，因為我坐係open kitchen嘅 counter位,所以我見到佢一路用個背脊對住我煮麵嘅時候，一路要不時轉身睇住放哂係counter上面嘅手寫單。咁又點會唔睇錯單呢？本來我食一碗麵，好快食完走得（計埋整番好碗麵），想埋單走人先知原來廚房話無見過我係落單時一齊叫嘅外賣（係買俾老婆係屋企食，好彩佢無嚟，唔係實媽媽聲）。如是這，又坐咗十幾廿分鐘等外賣。不過，雖然錯漏百出，但係幾個後生仔都期實做得好賣力，服務態度亦都唔錯。
到咗真係可以埋單嘅時候，係門口收錢嘅哥哥同我講唔見咗我張單，問我介唔介意話俾佢聽我食過啲乜 
漏咗牛筋同牛肚嘅麻辣三星牛肉麵
「人齊」嘅麻辣三星牛肉麵
買比老婆嘅外賣:紅燒三星牛肉麵，滷牛肚同炸花支丸
第一次試嘅紅燒三星牛肉麵
珍珠奶茶
滷大腸，滷牛肚
滷豬頸肉，滷蛋
見我食得咁乾淨就知好食啦！
第二次試嘅魯肉飯
