傍晚收到壞消息，前晩捕捉到的流浪貓傍晚已到了彩虹橋。經獸醫診斷後証實貓兒患了急性腹膈炎。這便解釋了為甚麼貓兒最近不願進食。還以為他只是口腔出了問題所以進食有困難。這個結果對貓兒總好過孤伶伶的死在街頭後被送往堆填區較有尊嚴。
今次事件的另一體會是除了社會存在已久的貧富懸殊問題以外，原來動物和人類所得到的公共醫療保障是極不平等的。家人在醫院接受的急症醫護服務只需一百大元。眼見家人多年除了貓糧外，還要負起她所照顧的流浪貓隻的醫療重擔。幸好還有些獸醫當知道求診的貓兒是流浪貓後會給預折扣，減低負擔。但正所謂長貧難顧，莫非真的如周局長所講貓不會說話，不能夠指証虐貓兇徒的身份。所以跟據同一邏輯，貓不會說話，人怎可以肯定牠們想訴求政府提供醫療資助。最重要，貓及所有動物均無納稅亦無選委代表，亦沒有自己的工能組別及政黨代其爭取權益。不過，今年七月後，香港的動物應該可以抬頭了。因為香港終於有位無錢、無後台、無班底的三無(與唐唐比較）新特首上任。希望「三無」特首會體恤「三無」動物，幫牠們爭取應有的權益。畢竟，流浪動物被遺棄前總曾為其主人帶來過歡樂。付出過，取回應得的最低照顧，不算過份。
早兩年曾經關注過香港連鎖食店點樣處理賣唔去嘅乾淨食物。結果，寫咗封信比南早同佢o的讀者分享咗我從兩大咖啡連鎖店得到嘅回應。最近先知，原來朋友間有屋企人成立咗個食物回收計劃叫「惜食堂」http://www.foodangel.org.hk 。係「惜食堂」網站抄嘅:「惜食堂」從餐飲業、食品製造商和食品批發商中收集所有烹煮過或未經處理的剩餘食物，經一套嚴格的處理程序及質檢，製作成為一個個熱騰騰的飯盒，贈送給有需要人士。
好慚愧，自己見到問題剩係識得寫幾隻字。有鬼用。食唔飽嘅人，可以食咗張報紙頂肚咩？非常佩服「小寶基金」創辦人董愛麗小姐同佢一班義工無私咁為有需要嘅人長期奉獻出佢地寶貴嘅時間同汗水。所以，當我知道佢地肯俾個機會我做佢地今日特別為一班老人家安排嘅愛心宴嘅攝影師嘅時候，我非常開心。因為，that’s the least I can do to contribute to such a worthy cause。如果任何人想支持「惜食堂」，記得去http://www.foodangel.org.hk。
香港乜人都有，有人搶鹽搶奶粉，有人行過見咁多人係starbucks排隊，問我有乜優惠，知道無實際「著數」就二話不說，調頭走人。但係亦有好多人係百忙之中（當然唔係講自己）用行動企出嚟有秩序同異常地安靜咁排隊買嘢飲同耐心等候barista準備飲嘢。我係上環見到排隊排到出街，
以為銅鑼灣會小啲人（因為要去飛髮），點知仲多。聽講，同一時段係香港差唔多所有starbucks都有同一奇景出現。見到fashion walk人龍打哂蛇餅，
好慚愧，猶疑過。因為就算買杯venti chai tea latte唔使找都係得40蚊。點解唔捐錢呢？或捐多啲呢？我唔知其他人有無咁諗過。不過，猶疑其實只係可能得幾秒。因為唔知點解，直覺叫我一定要排。不過排到入門口先知由於barista有限，原來等攞嘢飲都一樣要起碼等咁耐。而且可能要耐啲，因為有啲人買幾杯（最多我見到18杯）。於是我又想縮骨，係雪櫃求其攞咗樽嘢問算唔算數，點知唔得（正路，因為starbucks係真金白銀買嗰樽嘢番嚟賣）。唯有等。等等吓又諗，不如唔好攞杯嘢啦。因為頭髮真係好長，好唔舒服，我驚越等越長。但係見嗰幾嗰後生仔併命咁做之餘，仲保持住一貫嘅服務態度，真係唔忍心嘥咗佢地嘅付出。我相信佢地從未試過咁忙。而為咗減少出錯，佢地亦都比平時做多少少。係落單嘅時候問清楚客人個名，可以一做起就叫客人攞。
由於一路等一路tweet,引起咗一位居港日本人(@Mari5HongKong)嘅注意。除咗問候佢係日本嘅家人之外，就只有講啲例牌鼓勵嘢。當佢睇到我嘅tweet知道我終於等到杯chai之後，
佢tweet番我：
@rodkar Great!!! The chai tea must be far more tasty and valuable than any expensive wines!!! Enjoy and take care, it’s cold today…
原來我直覺一直想話俾我知（實在非常遲鈍），我唔係去買嘢飲捐錢，我係要同所有熱心嘅香港人一齊用行動話俾日本人知我地係非常關心同支持佢地嘅！而佢地係感受到同感激架！就算小如一杯chai。仲有,香港人其實都可以好有秩序排一個鐘頭隊買一杯平時只需幾分鐘買到嘅嘢飲！香港人係有忍耐嘅能耐架!